Сүт-Хөл кожууннуң чагырга даргазы Орлан Монгуш
Алдан-Маадыр сумузунуң девискээринде Көшпес деп черде малчын коданнарга чедип, кыштаглаашкын кайы хире эртип турарын хынап көргенин чагырга чери дыңнаткан.
Орлан Монгуштуң дыңнадып турары-биле алырга, январьның дыштаныр хүннеринде кожуун чагыргазының харысаалгалыг ажылдакчылары кыштагларже үнүп турар. Көдээ ишичилерниң кыштаглаашкынны чогумчалыг, хүр-менди. Мал-маганының деңгели ажырбас. Кыштагларже оруктар ажык.
Чагырга даргазы Булуктуг-Ойда Орлан Ондарның, Оолганныг-Ой аксында Сиин-оол Ооржактың, Оруктуг-Ойда Никита Монгуштуң, Узун-Ойда Вячеслав Монгуштуң, Манчүрек иштинде Вячеслав Ооржактың кыштагларынга четкен.
Малчыннарны дүвүредип турар чаңгыс нарын айтырыг – кокайлар. Алдан-Маадыр сумузунуң удуртуртулгазы-биле азыг диштиг араатанны аглаары-биле аңчылар бригадазын чорударын дугурушкан.
