Бай-Тайга кожууннуң чагырга даргазының хүлээлгезин күүседип турар Аржан Хертек кожууннуң хөй-ниити чөвүлелдериниң хуралы болуп эрткенин дыңнаткан.
Чөвүлелдерниң чаа соңгуттурган даргалары боттарының сорулгаларын илеткээн. Хурал соонда тускай шериг операциязында киржип турар шериг оолдарже чорудар чажыртынып шыптынар четкилерни кылырынга олар дузалашкан.
«Улусчу фронт. Бүгү чүүлдү тиилелге дээш!» төлевилелдиң чорудуу-биле Тывадан тускай шериг операциязында киржип турар дайынчыларга күскү ачы-дуза чыылдазы уламчылап турарын сагындыраал.
Тускай шериг операциязында киржип турар дайынчыларга ачы-дуза чыыр пункт дараазында адрестерде ажылдап турар: Кызыл хоорай, Кызыл партизан кудумчузунда 30 дугаар бажың, каб. 106 (“Ада-чурт камгалакчылары” күрүне фондузу); Кызыл хоорай, Кочетов кудумчузунда 30 дугаар бажың, каб. 26 (Ниити-российжи улусчу фронтунуң Тывада салбыры).
