Тываның Баштыңы Владислав Ховалыг г Кызыл кожууннуң Каа-Хем суурда «Преображенский» микрорайонда туттунган чаа суг чыыр черни хынаан. Төлевилелди «Чурттаар оран-сава болгаш хоорай хүрээлеңи» президентиниң национал төлевилелиниң «Арыг суг» федералдыг программазы-биле чыл чартык дургузунда боттандырган.
– Чоокку үеде чаа суг чыыр чер албан черлерин: уруглар садтарын, полицияны шынарлыг ижер суг-биле хандырар ужурлуг. Ол ышкаш тудуп турар улуг пунктулар: 825 олуттуг школа болгаш спорт-культура төвүн база. Участоктарны кезип, керээ чарган кижилер-биле чугаалаштым, дыштаныр хүннерде күштерни болгаш курлавырларның хаара тутканын хынадым – деп, Владислав Ховалыг бодунуң блогунда бижээн.
«Преображенский» микрорайоннуң алды муң ажыг чурттакчылары суг чыыр черни тудуп, ону төпчүткен суг хандырылгазынче кошканы-биле шынарлыг ижер сугну алган. Келир үеде суурнуң ам-даа үш микрорайонун суг хандырылгазынга кожар.
Ол ышкаш Тывада «Арыг суг» төлевилел езугаар Ак-Довурак хоорайда эрги суг чыыр черни чаартып турар. Мында 30 муң чедир чурттакчылыг хоорайга таарыштыр тургускан чаа суук чүүл базыышкыны-биле ажылдаар тургузугну тудуп турар.
Тываның Тудуг яамызының медээзи-биле алырга, суг алыр ийи объектини ажыглалче киирген соонда, Тываның чурттакчы чонунуң 78 хуузу арыг суг-биле хандыртынып, республиканың чурттакчыларының 4 7хуузу төпчүткен суг хандырылганың системазынга коштунар.
“Арыг суг” федералдыг төлевилелдиң кол сорулгазы – Россияның чурттакчы чонунуң хөй кезиин төпчүткен суг хандырылга системаларындан бедик шынарлыг ижер суг-биле хандырары. Ооң мурнунда төлевилел «Экология» национал төлевилелге турган, Россияның Президентизи Владимир Путинниң эгелээшкини-биле национал төлевилелдер 2019 чылда эгелээнин сагындыраал.
Знамя эскадрона тувинских добровольцев передано Тандинскому району
Накануне, 5 апреля, на мосту реки через Элегест вблизи с. Чал-Кежиг Чеди-Хольского района прошла церемония передачи знамени тувинских добровольцев от Чеди-Хольского района Тандинскому.