Каа-Хемде спорт болгаш күш-культура шөлчүгежи

Бүгү-российжи күш-культура спорт комплекизиниң “Күш-ажылга болгаш камгалалга белениниң” нормативтерин дужаарынга белеткенир сорулга-биле, Каа-Хем суурнуң «ногаан девискээринде» шөлчүгешти тургусканын чагырга чериниң даргазы Омак Ондар дыңнаткан.

– Тываның Баштыңы, “Чаңгыс демниг Россия” партияның Тывада регионалдыг салбырының секретары Владислав Ховалыгның деткимчезиниң ачызында бистиң суурувустуң девискээринде “Күш-ажылга болгаш камгалалга белениниң” нормативтерин дужаар шөлчүгеш тургустунган.

Амгы үении-биле дериттирген спорт болгаш күш-культура шөлчүгежинге кадык-чаагай амыдыралга ынак улуг-биче каа-хемчилер келгеш, мага-бодунуң күш-дамырын дадыктырып, маргылдааларга белеткенир аргалыг апарган.