Тожу кожуунда тускай шериг операциязының киржикчизи Кежик Хамсылдың чырык адынга тураскааткан «Маадырның партазын» болгаш тураскаал самбыраны ажытканын ТР-ниң Дээди Хуралының депутады Вера Левина дыңнаткан.
Леонид Чадамба аттыг Тоора-Хем ортумак школазының доозукчузу, коргуш чок дайынчы албан-хүлээлгезин эрес-дидими-биле күүседип тургаш, амы-тынындан чарылган. Маадырны «Эрес-дидим чоруу дээш» орден-биле мөчээн соонда шаңнаан.
Кажыыдалдың минутазын чарлаан соонда Кежик Хамсылдың чырык адынга тураскааткан тураскаал самбыраны ажыдып, дириг чечектерни салган. Чыылган чон чаңгыс чер-чуртуунуң дугайында чылыг сактыышкыннарны кылган.
Улаштыр аныяк армейжилер отрядының чаа кежигүннериниң даңгыраан бээр езулал болуп эрткен. Оларга «Бистиң үениң маадырлары» эрес-дидим чоруктуң кичээлин эрттирген.
