Уруглар чогаалчызы Леонид Борандаевич Чадамбаның 105 харлаанынга уткуштур, ооң чогаалдарынга уран номчулга мөөрейин Бай-Тайга кожууннуң 1-4 класстың өөреникчилериниң аразынга эрттиргенин ТР-ниң Чогаалчылар эвилелиниң кежигүнү, башкы Наталья Салчак дыңнаткан.
Бай-Тайгада төп уруглар саңынга уругларга уран номчулгага мастер-классты Москва хоорайның Щепкин аттыг дээди өөредилге чериниң доозукчузу, культура ажылдакчызы Кежик Өпей көргүзүп, таныштырган.
Өөреникчилериниң аразындан үш тиилекчини илередип, шаңнал-макталын, дипломнарын тывыскан.
