ТР-ниң Дириг амытаннар объектилерин камгалаар күрүне комитеди 2025 чылдың январь 8-ке чедир республиканың мал ажыл-агыйларынга улуг каражаны чедирип турар кокай санын өйлээр дээш шалыпчы айны чарлаан.
Өвүр кожуун кокай узуткаар ажылды чылдың-на эки түңнелдерлиг чорудуп турарын чагырга чериниң даргазы Айдыс дыңнаткан.
– Чыл эгезинден тура кожууннуң аңчылар бөлүү 71 кокайны узуткаан, ооң иштинде 44 бөрзек. Чарлаттынган кокай узуткаар айда Бора-Шай болгаш Ак-Чыраа талазынга бир-ибир кокайны узуткаан. Кожууннуң чагырга чери аңчылар бригадаларын кывар-чаар чүүл-биле хандырып турар – чагырга даргазы дыңнаткан.
Кокай аглаашкынын “кызыл тукчугаштар” аргазы-биле чорудуп турар. Аңнаашкын девискээрин тускай тукчугаштар-биле кызыгаарлап алырга, улам эки түнелдерлиг болурун аңчылар демдеглээн. Ол ышкаш аңныыр инспекторлары бо чылдан эгелеп ужудукчу чок аппараттарны ажыглап эгелээн.
Күрүнениң аңныыр комитединиң тускай мергежилдиглери шалыпчы айның дургузунда аңнаашкында киржип турары бригадаларга айыыл чок чоруктуң база аглаашкынны чорударының тайылбыр ажылын кылып турар.
Знамя эскадрона тувинских добровольцев передано Тандинскому району
Накануне, 5 апреля, на мосту реки через Элегест вблизи с. Чал-Кежиг Чеди-Хольского района прошла церемония передачи знамени тувинских добровольцев от Чеди-Хольского района Тандинскому.