Каа-Хем кожууннуң Копту-Аксы сумузунуң девискээринге балыкчылар маргылдаазы болуп эрткенин чагырга чери дыңнаткан.
Маргылдаага каа-хемчилерден аңгыда Кызыл хоорайдан болгаш аңгы-аңгы кожууннардан сес команда киришкен. Балыктаарынга ынактар дош үттээринге, аргамчы тырттарынга база маргылдашкан.
Бирги черни «Бүрен-Хем 2», ийиги черни «Бүрен-Хем 1», үшкү черни «Суг-Бажы 1» командалары чаалап алган.
Эң улуг назылыг балыкчы Мал-оол Даваевич болган. Ол ышкаш «Эң бичии назылыг балыкчы», «Херээжен балыкчы» деп шаңналдарга төлептиглерни илереткен.
Копту-Аксының чурттакчызы Айлаң Митей балыкчыларга амданныг чемни белеткеп, хүнзедир паштанчылаан.
Суму чагыргазының удуртулгазы тиилекчилерге акша шаңналдарын, сертификаттарны болгаш дириг хойну тывыскан.
