Тес-Хем кожууннуң чурттакчы чонунуң база албан черлериниң ажылдакчыларының, хөй ниитижилериниң кол сорулгаларының бирээзи – тускай шериг операциязында киржип турар эрес-дидим маадырларывыска ачы-дуза чүъгүн чыыры.
Куранчылар үш улуг хап тускайлап белеткээн аъш-чем аймаан дайынчы даалгаларны эрес-дидим күүседип турар чаңгыс чер чурттугларынга чедирери-биле хүлээткенин чагырга чери дыңнаткан.
Кожуунда дайынчы оолдарны деткиир ажылды бүгү талазы-биле доктаамал чорудуп турар. Шуурмак сумузунуң, Куран арбанының херээженнер чөвүлелиниң удуртукчузу Уйнук Чыкай, энерел сеткилдиг, демниг, ажыл-ишчи арбанчыларның мурнундан шеригжи маадырларывыска үш улуг хап аъш-чем аймаан хүлээткен.
Уйнук Окчаевнаның бодунуң кады төрээн дуңмазы, Кызылда 55-ки гвардейжи тускай мото-адыгжы (даг) бригаданың дайынчызы Вадим Чыкай тускай шериг операциязында киржип турар.
Куранчылар Тывага бүдүрген 95 лааза какпактаан эътти, тускай алды аңгы бөлүглеп чыгдынган өгбелеривистиң шайын, арамайлап номчаан камгалалдарны база номнарны дамчыткан.
Куран арбанны удуртуп турар хөй-ниитижи, идекпейжи Алдын-Кыс Комбуга база куранчыларга буянныг үүле-херээ дээш кожууннуң чагырга чери четтиргенин илереткен.
Почётный донор из Тувы Сай-Суу Ондар совершила юбилейную, 50-ю сдачу крови
Жительница Тувы, обладательница звания «Почётный донор России» Сай-Суу Ондар провела свою юбилейную, пятидесятую по счёту, донацию.