Чеди-Хөл кожуундан шериг операциязының киржикчи, Эрес-дидим чорук ордениниң кавалери Айдыс Куулар аъш-чем кылыр болгаш чедирер биче бүдүрүлгени ажыдып алганын чагырга чери дыңнаткан.
Эгелеп чоруур сайгарлыкчы күрүне деткимчези-биле херек дериг-херекселди садып алган. Дайынчы хөделиишкиннер хоочуну чанып келгеш, ынак ажыл-херээн эгелээн. Ол хоорган эът, пицца, суши болгаш роллдарны белеткеп турар. Байырлал хүннеринде Хову-Аксы сумунуң чурттакчыларындан чагыглар элээн хөй болган.
Кууларларның өг-бүлези чаңгыс чер-чурттугларының чагыткан чемин изии-биле чедирер дээш, шудургу ажылдап кирипкеннер.
Ажыл-херээн ажыдып алыр күзелдиг улус чурттап турар чериниң аайы-биле Чонну ажылга хаара тудар төпче кээп болурун сагындыраал.
