Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Кызыгаар чоогунуң девискээринге мал-маганны хостуг одарладырын болдурбас хемчеглерни күштелдирер

4 февраля 2025
4

Тываның БаштыңыВладислав Ховалыг кызыгаар чоогунуң девискээринге мал-маганны хостуг одарладырын болдурбас хемчеглерни күштелдирерин дааскан.

Тываның Чазаанга Владислав Ховалыгның удуртулгазы-биле корум-чурум камгалаар органнарның удуртулгазы болгаш өске-даа сонуургалдыг структураларның киржилгези-биле Кызыгаар комиссиязының хуралы болуп эрткен. 2024 чылда Кызыгаар комиссиязының ажыл-чорудулгазының түңнелдерин үндүрери – хүннүң кол айтырыы болган.

Россияның Айыыл чок чорук албанының Тыва Республикада кызыгаар эргелелиниң дыңнатканы-биле алырга, эрткен чылын күрүне кызыгаарын эрткен 17 таварылганы база ол девискээрниң карантин девискээринче мал-маганын оъттаткан 100 болуушкунну демдеглээн.

2025 чылдың бирги айында кызыгаар эрткен үш болгаш карантин девискээринге мал оъттаткан 14 таварылга демдеглеттинген.

– Бо чүүл эпизоотиктиг көрүш-биле сагыш човаашкыннарны оттурар. Шак ындыг таварылгалар кызыгаар девискээрлеринге халдавырлыг аарыгларның нептерээринге, ооң иштинде дириг амытаннардан кижиже дамчыырын болдуруп болур. Малдың күрүне кызыгаары эртип турар таварылгаларын тодарадырда, шупту харыысалгалыг структураларның аразында кады ажылдажылга чурумун чаартыры чугула. Мында «Хорриот» федералдыг системада мал-маганның бүрүткелин дарый доозар херек – деп, Владислав Ховалыг демдеглээн.

Ветеринария албанының дыңнадып турары болза, эрткен чылын үш кызыгаар кожууннар – Мөңгүн-Тайга, Өвүр база Тес-Хем кожууннарда кызыгаарже киир одарлаткан малды түр када тудар алды пунктуну туткан. Бо ажыл ам-даа уламчылаар. Тываның Баштыңы чурум хажыдыышкыннары бо-ла болур черлерге моондактарны тудар даалганы база салган.

Ужуражылга үезинде, кызыгаар девискээринче турисчи ажыл-чорудулганы организастаар болгаш боттандырарында нарын талаларны база сайгарган.

Тываның туризм адыры – Россия Федерациязының субъектизиниң экономиканы хөгжүдеринге кедилиг угланыышкыннарның бирээзинге хамааржыр. Республиканың кызыгаар девискээринде база күрүне кызыгаарының чоогунда турисчи объектилерниң чамдыызы туруп турар. Ол чүүл аян-чорукчуларның дыштанылгазын организастаарынга немелде харыысалганы онаап турар.

– Ниитизи-биле, кызыгаар эргелелиниң удуртулгазынга туризм адырын хөгжүдер дээн бистиң күжениишкиннеривиске кичээнгейлиг хамаарылгазы база ону чурумчударынга санал-оналдары дээш өөрүп четтирдим.

2024 чылдың түңнелдери-биле Тыва Россияда шапкын өзүп турар туризм угланыышкынын хөгжүдүп турар черлерниң аразында лидер апарган. Аян-чорукчулар кызыгаар девискээрлеринче баар чөпшээрелди үе-шаанда кылдырып, бөлүктерин Онза байдалдар яамызынга бүрүткедип алыры чугула. Аян-чорук организастап турар туроператорлар база улуг харыысалгалыг – деп, Тываның Баштыңы демдеглээн.