Тываның кызыгаар кожууннарының чурттакчыларын РФ-тиң күрүне кызыгаарының камгалалынга киржир кылдыр хаара тудар. Республиканың чазаа ол ажылды организастаар дээш, күрүне кызыгаарын камгалаар эки турачы улусчу дружиналарның регион штавын тургузар дугайында шиитпирни хүлээп алган. Россияның Айыыл чок чорук албанының Тыва Республикада кызыгаар эргелели-биле кады ол ажылды чорудар.
Республика чазааның даргазының оралакчыларының бирээзи бадылаттынган чурумга даянгаш, регион штавын удуртуп-башкарар. Кызыгаар девискээринде кирип турар беш муниципалдыг тургузугга – Мөңгүн-Тайга, Өвүр, Тес-Хем, Тере-Хөл база Эрзин кожууннарга ындыг штабтарны хевирлеп тургузар.
Күрүне кызыгаарында шуут чоогунда 15 суурга – Мөген-Бүрен, Каргы, Саглы, Хандагайты, Солчур, Дус-Даг, Чаа-Суур, Ак-Чыраа, О-Шынаа, Берт-Даг, Ак-Эрик, Ү-Шынаа, Нарын, Кычык база Шынаа суурларга бештен эвээш эвес кижилиг дружиналарны ажылдадыр. Дружинниктер кызыгааржылар-биле дежурныйлаашкынче үнер.
#Тываныңчазаа #Кызыгаарэргелели #ТМГМедээлер #Тыва #Тывамедээ #Тывадыл #Тывамедиагрупп #Тува #Tuva #TMG #TMGNEWS #Tuvanews
Микрорайон Восток Кызыла на перепутье: За или против автозаправочной станции рядом с домами
В Кызыле состоялись публичные слушания по вопросам градостроительной деятельности.