Тес-Хем кожууннуң Кызыл-Чыраа сумузунуң малчыннарының Шагаазы Агар дааның эдээнде хөй ажы-төлдүг аныяк малчын өг-бүле Арслан, Айырана Шиметтерниң коданынга болуп эрткенин чагырга чери дыңнаткан.
Байырлалга Тес-Хем кожууннуң Төлээлекчилер хуралының даргазы Аян-оол Ланаа, чагырга чериниң ажылдакчылары чымыштыг ажыл-иштиг эрес-кежээ малчыннар-биле чолукшуп, байырын чедирген.
Малчыннарның Шагаазын Кызыл-Чыраа сумузунуң көдээ культура бажыңының ажылдакчыларының чараш оюн-тоглаалыг көргүзүү-биле эгелээн. Кожуун баштыңы аныяк өг-бүлеге база чыылган чонга моорлап кел чоруур ногаан чылан чылы таварыштыр байыр чедирип, чаагай күзээшкиннерни йөрээген.
Малчыннар мөөрейлерге киришкен, тиилекчилерге өртектиг белектерни тывыскан. Байырлал бедик деңнелге болуп эрткен.
