Тывада чарлаттынган Чоннуң чаңгыс эп-сеткилиниң чылы республиканың чурттакчыларын улам-на демнештирген.
Республиканыӊ чурттакчылары тускай шериг операциязында киржип турар дайынчыларга Шагаа уткуштур чедирип бээр белектерни чыып турар.
Мөңгүн-Тайга кожууннуң Кызыл-Хаяның ном саңының эргелекчизи Арина Иргиттиң идип үндүрген эгелээшкинин сумунуң херээженнер чөвүлелиниң даргазы Мария Хертек деткээн.
Сумунуң удуртулгазы, депутаттары, идепкейжилери чыглып хуралдааш, сумунуң арбан бүрүзү чартык шоодай тарааны далганын дужаар, чартык шоодай боорзакты быжырар, саржаг, ааржы, чигир, курут, какпактаан эът, эм-таңны чыыр шиитпирни үндүрген.
Мөген-Бүрен сумузунуң арбан бүрүзү демнежип алгаш, кудумчу бүрүзүнге тарааны хоорган. Кошкар-оол арбанының чурттакчылары чартык шоодай далганны арбайдан, кызыл-тастан белеткээн.
Культура бажыңынга Чоннуң чаңгыс эп-сеткилиниң чылын февраль 4-те сумуга ажытпышаан, бо бүгү арбаннарның белеткээн аъш-чемин чыып, аңаа түңнелдерни үндүрер.
