Барыын-Хемчик кожуунда Кызыл-Мажалык сумузунуң Чургуй-оол кудумчузунда орукту «Авангард» кызыгаарлаттынган харыысалгалыг ниитилел чаартып турар. Ооң ниити узуну – 1560 метр.
Орукчулар бир айның дургузунда оруктуң асфальт шывыын долузу-биле чаткан. Септелге ажылдарында ниитизи-биле 29 кижи ажылдап турар. Амгы үеде орук кыдыында хаажыларны тургузуп эгелээн. Ол ышкаш орук демдектерин база тургузар.
Кызыл-Мажалыктың кол кудумчузунда орукка автомобиль шимчээшкининге таарымчалыг болгаш айыыл чок байдалды тургузары-биле үндезин септелге ажылдарын чорудуп турар.
