«2017-2024 чылдарда Тыва Республиканың транспорт системазының хөгжүлдези» күрүне программазының шугуму-биле Барыын-Хемчик кожуунда Кызыл-Мажалык сумузунуң Чургуй-оол кудумчузунда оруктуң үндезин септелгези доозулган. Ооң ниити узуну – 1560 метр.
Орук-тудуг ажылдарын «Авангард» кызыгаарлаттынган харыысалгалыг ниитилел бир ай үш айның дургузунда кылган. Ам дески болгаш делгем орукта автомашиналар аргыжып эгелээн.
Септелге ажылдарынга ниитизи-биле 29 орукчу ажылдап турган. Олар орукту калбартып, асфальт шывыын долузу-биле чаарткан, орук демдектерин, ооң кыдыында хаажыларны тургускан.
Кызыл-Мажалыктың кол кудумчузунда орукка автомобиль шимчээшкининге таарымчалыг болгаш айыыл чок байдалды тургузары-биле үндезин септелге ажылдарын чоруткан.
