Кызылдың 22 дугаар уруглар садының кижизиттирикчилери Ада-Чурттуң Улуг дайынынга Тиилелгениң 81 чылынга тураскааткан байырлыг чыскаалга киришкен.
Чалаткан аалчылар аразында – тускай шериг операциязының киржикчилери, дайынчы хөделиишкиннер хоочуннары, эрге-хоойлу органнарының ажылдакчылары бар.
Кажыыдалдың минутазын чарлаан соонда, чаштар шээжилеп алган ада-чуртчу шүлүктерни чугаалап, «Тиилелгениң вальзын» күүсеткен.
Кызылдың 22 дугаар «Хүнчүгеш» уруглар садының директору Лидия Монгуштуң чугаалап турары-биле алырга, чыскаалда өөредилге чериниң 12 бөлүүнүң чаштары турар. «Уруглар садында 14 бөлүкте 428 уруг бар, ооң ийизи ясли бөлүү. 2021 чылда чыскаал хөгжүм залынга болган. 2022 чылдан тура даштыгаа марштап, квест оюннарны эрттирип, чыскаалды эрттирип эгелээн бис. Бистиң чаштарывыстың ачаларының аразында тускай шериг операциязында дайынчы даалгаларын күүседип турар маадырлар база бар» – деп, ол чугаалаан.
«ТуваМедиаГрупп» медээлер агентилелиниң чуруктары
