Мооң мурнунда чылдарда-ла төп рынокту көжүрер дугайында көдүрлүп турган айтырыг, ам-на шиитпирлеттинер.
Тываның Баштыңы Владислав Ховалыг найысылалдың төвүнде садыг шөлдери найысылалдың овур-хевиринге канчап-даа таарышпазын айтып, рыноктуң турар черин өскертир дээн шагдакы айтырыгны шиитпирлээрин хоорай чагыргазындан 2022 чылда-ла негээн турган.
Кызылдың төвүнде ажык садыг шөлчүгештериниң бары хоорайжыларның хоойлуга дүүштүр айыыл чок чоруунга таарышпазын айыткан. Оон аңгыда, Кызылдың төвүнде Арбат шөлүнүң дыштанылга шөлүнүң чоогунда садыг рыногу, архитектурлуг овур-хевирге дүүшпейн турарын чугаалаан. Найысылалдың ажыл-агыйжы болгаш культурлуг кезээн төлептиг көргүзер ужурлуг эргижирээн ол объект хоорайның төп кезээн хөгжүдүп сайзырадырынга шаптыктап турар.
Владислав Ховалыгның айтыышкыны-биле бо чылдың июнь эгезинде, ТР-ниң Чазак Даргазының оралакчызының хүлээлгезин күүседип турар Виталий Бартына-Садының удуртулгазында “Кызыл хоорайның төп рыногу” доктаамал эвес садыг объектизин таарыштыр көжүрерин организастаар албан черлериниң аразының ажылчын бөлүү тургустунган.
Ажылчын бөлүк хоорайның эң улуг садыг шөлүн, өске хоорайларда ышкаш, найысылалдың кыдыында хостуг девискээрже көжүрер орук картазының төлевилелин ажылдап кылган.
Ону эгелээрде элээн хемчеглерни кылыр, инженер четкилиг азы автомобиль оруктуг девискээрни планнаан төлевилел-биле участокту тодарадыры – кол ажыл. Бо чыл төнчүзүнге чедир чаа рыноктуң планннаашкынын доозар. Ол план езугаар, 2024 чылда рынокту чаа девискээринче көжүрер.
Тувинские врачи спасли беременную женщину с тяжёлой патологией сердца
В Туве врачи своевременно выявили тяжёлую патологию сердца у 41-летней беременной женщины.