Мөңгүн-Тайга кожууннуң Мугур-Аксы суурга ИТ-төптүң байырлыг ажыдыышкыны болуп эрткен. Тываның Информация технологияларының төвү чаа ИТ-төпке методиктиг деткимчени көргүскен. Ыраккы кожуун кымны-даа мурнай чаартылга төвүн ажытканнарның бирээзи болур.
Байырлыг ажыдыышкынга тус черниң чурттакчыларынга республиканың чурагайлыг хөгжүлде сайыды Аяс Бартан байыр чедирип, Мугур-Аксының ИТ-төвү кожуунну чурагайже шилчидериниң таваа болур ужурлуг деп демдеглээн.
– Чүү-даа азарганчыг чүүлдерден эгелээр, бодунуң үезинде Информация технологияларының төвү база кара чаңгыс өрээлди ээлеп турган. Ам ол информатизация адырының башкарыкчы бүдүрүлгелериниң бирээзи апарган. ИТ-төптүң дузазы-биле информация технологияларының адырынга чаа-чаа организациялар тыптып, улус аңаа бодунуң бизнезин ажыдар дээрзинге бүзүрээр мен” деп, сайыт чугаалаан.
Ук хемчегни мөңгүн-тайгажылар күрүнениң болгаш хөй-ниити ажылдакчызы, Тываның Инженерлер каттыжыышкынының президентизи Чимит-Доржу Байырович Ондарның 90 харлаанынга тураскаадып турар.
Робототехника талазы-биле өөредилге курстарының чыындыларын база Чимит-Доржу Ондарның «Инженерниң оруу» деп номун тыпсып тура, Инженерлер каттыжыышкынының баштаар чериниң оралакчы даргазы Чиңгис Тайбыл ында чыылган школачыларның аразындан ИТ-ниң келир өйгү “сылдыстары” өзер болзун деп күзээн.
ИТ-төп чаа Культура бажыңындан таарымчалыг оран-саваны алган.
![Центр общественного наблюдения приступил к работе](https://thumbor.newswave.ru/9Ckxj5QHohjVneOmGKAuPhAcO_E=/870x474/https://tmgnews.ru/media/publications/5275148139/cover/tndel8vqhyzrqrzqld2happy0grmni389kgerz4fojte0p2wpxvzfeoolhskuui-u-ljqhk3cmj4d0q0nyt4mubu.jpg)
Центр общественного наблюдения приступил к работе
Сегодня в Туве в 08:00 открылись участковые избирательные участки. Как сообщает общественная палата РТ, открытие УИКов традиционно началось с звучания гимнов России и Тувы.