Таптыг-ла 100 чыл бурунгаар Барыын-Хемчик кожууннуң составынга Каргы суур эгезинде тургустунган. 1941 чылда Тыва Арат Республиканың Биче Хуралының Президиумунуң административтиг-территориалдыг чаартылгазының түңнелинде бот-тускайлаң административтиг округ – Каргы суур кирген Мөңгүн-Тайга кожуун тургустунган.
1930 чылдарның ортаа үезинде сумузу хөгжүп эгелээн. Бирги административтиг бажың кылдыр ТАР-ниң кызыгаар доскуулу тургустунган, чоорту эге школа, чагырга бажыңы, баштайгы садыг болгаш элээн каш чуртталга бажыңнары тыптып келген. Оон бээр Каргы улгадып эгелээн.
Амгы үеде суурда дөрт муң хире кижи чурттап турар. Мөңгүн-Тайга кожууну ышкаш, Каргының чурттакчылары хой, сарлык ажыл-агыйын тудуп турар.
Каргының 100 чылдаанга тураскааткан байырлыг хемчеглер суурга болуп эртер.
Сентябрьның 12
10:00 – «Найыралдың начыны» стадионга тыва чадан баг адырынга маргылдаа;
10:00 – «Найыралдың начыны» стадионга эр болгаш херээжен командалар аразынга хол бөмбүүнге республика маргылдаазы;
14:00 – Ч. Артай-оол аттыг драма театрынга байырлыг хурал;
Сентябрьның 13
10:00 – «Найыралдың начыны» стадионунга ажылчын коллективтерниң, көдээ ажыл-агый ажылдакчыларының, сумаларның болгаш сайгарлакчыларның чыскаалы;
10:00 – Доора-Хову шөлүнге аъттар чарыжы;
12:00 – «Найыралдың начыны» стадионга «Хой көдүрери» маргылдаа;
13:00 – «Найыралдың начыны» стадионга тыва хүреш маргылдаазы.
