Чурттуң Президентизи Владимир Путинниң эгелекчи саналы-биле боттандырып турар национал төлевилелдерниң ачызында ыраккы Мөңгүн-Тайга кожуунда чаартылгалар хөй.
Мөңгүн-Тайга кожууннуң чагырга чери 2023 чылдың дургузунда кылып чоруткан ажыл-чорудулгазының дугайында чон мурнунга отчеттуг хуралын эрттиргенин чагырга чериниң даргазы Чойган Иргит дыңнаткан.
– Чыл дургузунда федералдыг болгаш республика чергелиг база кожуунда боттандырып турар программалар, улуг төлевилелдерниң күүселдези-биле кылып чоруткан ажылдар хөй. Оларнын аразында «Найыралдың Начыны» стадионга хол бөмбүүнүң спорт шөлүн кылганы, Мугур-Аксының 1 дугаар ортумак школазының база О. Чанчы-Хоо аттыг уругларның ном саңының үндезин септелгезин чорутканы, Кызыл-Хая – Мугур-Аксы аразынга аргыжар оруктуң септелгези дээш оон-даа өске ажылдар күүсеттинген.
Отчеттуг хуралга чон кожууннуң удуртулгазынга санал-оналдарын киирген. Черлик ыттар-биле демисел, Кызыл – Мугур-Аксы аразынга аргыжылга талазы-биле, чырыкты үзүк чок ажылдадырының дугайында болгаш оон-даа айтырыгларны көдүрген.
Кожуун чагырга чериниң 2023 чылда кылып чоруткан ажылын Мөнгүн-Тайга кожууннуң чурттакчылары эки деп үнелээн.
В Туве задержаны авторы регионального телеграм-канала
2 мая 2024 года прошли обыски и задержания силовиков в отношении блогеров и журналистов Тувы, сообщают источники ТМГ.