ТР-ниң Чазак Даргазының оралакчызының хүлээлгезин күүседип турар Алик Монгуш Мөңгүн-Тайгаже ажыл-агыйжы сургакчылап кээп чораанын кожууннуң чагырга чериниң даргазы Чойган Иргит дыңнаткан.
– Чазак Даргазының оралакчызынга удурткан ТР-ниң Көдээ ажыл-агый яамызының, ветеринария албанының төлээлери кожуннуң мал ажыл-агыйында байдал-биле танышкан.
Аалдар кезип, малчыннар-биле дорт чугааны кылып, байдалы нарын, септелге хереглеттинип турар кыштагларны барып көрдүвүс.
«Мөген-Бүрен» күрүнениң унитарлыг бүдүрүлгезиниң удуртукчузу Өшкү-Саар Ооржак какпактаан сарлык болгаш хой эъди, хеңме болгаш ак-чем бүдүрүлгелерин сонуургадып, шаптаараазыннарны болгаш бо чооку үеде шиитпирлеттинеринге дуза херек айтырыгларны дыңнаткан.
