Бөгүн Мөңгүн-Тайга кожуунга Өг-бүле, ынакшыл болгаш шынчы чорук хүнүн байырлыг байдалга демеглеп эрттиргенин чагырга чери дыңнаткан.
Кожууннуң чагырга чериниң даргазы Эртине Успун чыылганнарга байыр чедиргеш, идепкейжи өг-бүлелерге ТР-ниң күш-ажыл болгаш социал политика сайыдының Өөрүп четтириишкин бижиктерин тывыскан.
Тываның хамааты байдалдың актылар бижидилгезиниң Мөңгүн-Тайга кожуунда эргелели 25 биле 50 чыл эгин кожа кады чурттаан өг-бүлелерге херечилелдерни болгаш тураскаалдыг белектерни тыпсып, байыр чедирген.
Тыва – найыралдыг, быжыг өг-бүлелери-биле сурагжаан, оларның саны чылдан чылче немежип турар. Бо чылын “Ынакшыл болгаш шынчы чорук дээш” медальдарга бүгү республикадан 70 ажыг өг-бүле төлептиг болган.
