«Наадым-2024» малчыннар байырлалынга тураскааткан 18 харга чедир элээди мөгелер аразынга национал хүреш маргылдаазынга 143 мөге киришкен.
Шыырак дээн элээди мөгелерниң ачыр-дачыр тудушканының түңнелинде Сүт-Хөл кожууннуң Алдан-Маадыр сумузундан Айрат Ооржак шүүлген. Үжүүрде ол-ла кожуундан Айыс Сарыглар.
Үшкү-дөрткү шаңналдыг черлерни Эрзин кожуундан Сүгдер Намчаа, Барыын-Хемчик кожуундан Алаш Монгуш үлешкеннер. Бештен сесче кирген мөгелер – Тес-Хем кожуундан Субудай Хөөмейлээр, Сүт-Хөл кожуундан Дайза Ондар биле Найдан Ондар, Эрзин кожуундан Максим Ооржак.
Тиилекчилерге акша сертификаттарын тывыскан.
Сүт-Хөл – мөгелер чурту деп бадыткап чоруур мөгелерге чагырга чери сүт-хөлчүлерниң мурнундан байыр чедирип, моон-даа соңгаар чедиишкиннери күзээн.
