Чаа-Хөл сумузунуң хүндүлүг хоочуну Уйнук Бадан-оолдуң 90 харлааны-биле кожууннуң чагырга даргазы Аркадий Одегей байыр чедирип четкенин чагырга чери дыңнаткан.
Уйнук Сатовна ажыл-ишчи амыдыралын эрги Чаа-Хөлдүң эмнелгезинге санитар болуп ажылдап эгелээн. 1979 чылдан тура "Чодураа" уруглар садынга хөй чылдар дургузунда үре-түңнелдиг ажылдааш, хүндүлүг дыштанылгаже үнген. Эне – "Күш ажылдың хоочуну", "Маадыр ие" деп аттарның төлептиг эдилекчизи.
Кожуун чагырыкчызы хоочунга быжыг кадыкшылды, ам-даа хөй чылдар дургузунда арга-сүмезин кадып чоруурун күзээн.
Чаа-Хөл кожууннуң чагыргазы улуг назылыг хоочуннарын кезээде хүндүлеп, чагыгларын дыңнап, арга-сүмезин ап чоруур.
