Мөңгүн-Тайга кожууннуң чагырга чериниң даргазы Чойган Иргит маадыр чаңгыс чер-чуртуу – Арсен Казактың чырык адынга тураскааткан хүреш маргылдаазы болуп эрткенин дыңнаткан.
Шагаа байырлалының хүрежин Арсен Казактың дөргүл-төрелдери демнежип эрттиргеннер. Мөңгүн-Тайганың 32 шыырак мөгези күжүн шенешкен.
Ачыр-дачыр тудушканының туннелинде кожууннуң аныяк шыырак мөгези Дозураш Салчак шүглүп үнгеш, кол шаңнал – улуг соодукчуну алган. Денис Шөмбүл ужуурде, үшкү-дөрткү черде Күдерек Салчак болгаш Аңчы-Кара Монгуш. Бештен сесче кирген шыырак мөгелер – Менги Шөмбүл, Буян Донгак, Чингис Салчак база Эрес Иргит.
Шаңналдыг черлер алган мөгелерге өртектиг белектерни тывыскан. Хүреш маргылдаазы бедик деңнелге эрткенин чыылган чон демдеглээн.
