ТР-ниң Көдээ ажыл-агый яамызы мал чеминиң белеткелин шапкынчыдып, албан черлер аразының ажылчын бөлүүн тургускан, кол хемчеглер планы бадылаттынган.
Тывада мал чемин белеткээр кол кампанияны август айже чылдырганын албан чери дыңнаткан. Ооң чылдагааны – май база июньда өл-шык чок болганындан оът-сигенниң чегей үнгенинде. Бир эвес агаар-бойдус таарымчалыг турган болза, мал чеминиң белеткели июль айда эгелээр турган деп, тускай мергежилдиглер тайылбырлаан. Ол үеде чаъс-чайык дүжүп, агаар чылыг турган болза, сиген-ширбиил июль ортан үезинде хөлбеңнедир үнүп кээр турган.
Оът-сигенниң чегей үнгенинден, мал чеминиң белеткелин соңгаарлаткан. Амгы үеде республика девискээринде ниитизи-биле оът-сиген чүгле 30-35 сантиметр кылдыр үнген, а хову шөлдерде ол 12- 18 сантиметр болза, чамдык черлерде 20-25 сантиметр болуп турар. Ынчангаш мал чеминиң белеткелинче кирер дээрге, сиген шөлдеринде оът шоолуг эвес.
Кожууннарның көдээ ажыл-агый эргелелдериниң ажылдакчылары сиген шөлдерин шинчилеп көрүп турда, чамдык араттар сиген кезилдезинче кирген. А кол ажылдар август айда эгелээр.
#Тываныңчазаа #Көдээажыл_агыйяамызы #Малчеминиңбелеткели #ТМГМедээлер #Тыва #Тывамедээ #Тывадыл #Тывамедиагрупп #Тува #Tuva #TMG #TMGNEWS #Tuvanews
Микрорайон Восток Кызыла на перепутье: За или против автозаправочной станции рядом с домами
В Кызыле состоялись публичные слушания по вопросам градостроительной деятельности.