Чеди-Хөл кожууннуң көдээ ажыл-агый эргелелиниң ажылдакчылары Ак-Тал, Хөлчүк, Чал-Кежиг, Элегес талазында кыштаглап турар малчыннарже үнүүшкүннерни кылганын чагырга чери дыңнаткан.
Кожуунда кыштаглаашкын ниитизи-биле хүр-менди эртип турар, малдың деңгели эки. Мал чеминиң курлавырлары бар. Харның кылыны 17-25, чамдык черлерде 30-35 сантиметр чедип турар. Кыштагларже оруктар ажык, «Нива», «УАЗ» маркалыг автомашиналар чеде бээр. Малчын кыштагларже үнүүшкүннерни уламчылаар.
Малды чылдың дөрт эргилдезинде, дыштаныр шөлээ чок кадарып турар көдээ ишчилерге, кышкы дыштанылга үезинде, дузалажып келген уругларга чигирзиг белектерни база чедирген.
