«Чурттаар оран-сава болгаш хоорай хүрээлеңи» национал төлевилелдиң «Таарымчалыг хоорай хүрээлеңин хевирлээри» федералдыг төлевилелдиң боттандырылгазы-биле Каа-Хем кожууннуң төвү Сарыг-Сеп суурда хөй-ниити девискээри чаартынып турар.
Кожууннуң болгаш суурнуң чагырга черлерининиң удуртулгазындан тургустунган комиссия «Мандала» сесерлиинде тудуг ажылдарын хынап көрген. Амгы үеде Мани хүртүзүн тургузуп дооскан. Объектиде каңнакчылар сесерликче кирер кезекти доозары-биле ажылдап турар.
Мани хүртүзүнүң тургузар черин дилээр езулалды август 21-де эрттиргенин сагындыраал. Хүлээникчи – «Кристалл Плюс» кызыгаарлаттынган харыысалгалыг ниитилел (чиңгине директору Дмитрий Куулар). Бо нацтөлевилелдиң чорудуу-биле кожуунда сески чаагайжытынган дыштанылга чери болуп турар.
Алды чылдың дургузунда республика «Таарымчалыг хоорай хүрээлелин тургузары» төлевилел-биле 750 ажыг сая рубльди хаара туткан. Хоорайлар болгаш суурларда бажың чанының болгаш хөй-ниитиниң 145 шөлдү чаагайжыдып кылган.
В Туве стартует профилактическая акция «Безопасный лёд»
С 15 ноября 2026 года по 1 апреля 2027 года на территории Республики Тыва будет проводиться профилактическая акция «Безопасный лёд».

