Национал школа хөгжүдер институт декабрь 3 – инвалидтер хүнүнге тураскааткан кадыкшылының байдалы-биле харык-шинээ кызыгаарлыг уруглар-биле ажылдап турар тыва дыл, чогаал болгаш класс башкыларының аразынга республика чергелиг «Мээң тускай өөреникчим» деп тыва дылга эсселер мөөрейин чарлаанын институт дыңнаткан.
Мөөрейниң сорулгазы – харык-шинээ кызыгаарлыг уруглар-биле ажылдап турар башкыларның ажылын чырыдып таныштырары, деткиири болгаш бо угланыышкында ажылды сайзырадыры.
Негелде езугаар мөөрейниң киржикчилери онзагай уруглар-биле бодунуң ажылын эссе хевиринге таныштырып тура, ажылының түңнелдерин кандыг арга-дуржулганы ажыглап тургаш чедип алганын илередип бижиир ужурлуг турган.
Мөөрейге ниитизи-биле 56 ажыл келген. Оларның иштинден 12 ажыл шыырак деп демдеглеттинген. Ол дээрге Роза Ажы, Чойгаана Айыы, Ольга Доспан, Хемчик-оол Кужугет, Надежда Натпит-оол, Борбак-оол Саая, Галина Саая, Радка Тулуш, Салзынмаа Хомушку, Чаймаа Хомушку, Татьяна Дагбыш, Галина Хуурактың ажылдары болган.
Бирги черде – Хемчик-оол Кужугет, Надежда Натпит-оол, Галина Саая; ийиги черде – Роза Ажыы, Чойгаана Айыы, Борбак-оол Саая, Татьяна Дагбыш; үшкү черде – Ольга Доспан, Радка Тулуш.
«Тиилелгеже чүткүл» деп шаңналга Салзынмаа Хомушку, Чаймаа Хомушку, Галина Хуурактың ажылдары төлептиг болган.
Арткан киржикчилер сертификаттар алыр. «Башкы» сеткүүлүнге эки болган ажылдарны парладыр.
Шаңналдыг черлер алган киржикчилерге Национал школа хөгжүдер интитуттуң дипломнарын тыпсыр.
Знамя эскадрона тувинских добровольцев передано Тандинскому району
Накануне, 5 апреля, на мосту реки через Элегест вблизи с. Чал-Кежиг Чеди-Хольского района прошла церемония передачи знамени тувинских добровольцев от Чеди-Хольского района Тандинскому.