Тыва Википедияга Марафон «Миллениум-2» деп ниитизи-биле 100 000 акша шаңналдыг мөөрейниң уламчызын чарлаан. Мөөрейни Тываның Баштыңының Грантызының акшазы-биле эрттирип турар.
Марафон «Миллениум-2» – шупту Википедияларга албан турар ужурлуг 1000 чүүлдү Тыва Википедияга бижиир азы чедир бижиир мөөрейниң уламчызы-дыр. Ол чүүлдерниң иштинде кижи төрелгетенниң аңгы-аңгы адырларда кол билиглериниң сүүзүнү кирген. Оларның ачызында Тыва Википедия езулуг энциклопедия деңнели чедер. Мөөрейни Тываның аныяк эртемденнер болгаш тускай мергежилдиглерниң чөвүлели эрттирип турар.
Бижиир чүүлдерни бо даңзыдан шилип алыр: https://tyv.wikipedia.org/wiki/Википедия:Шупту_дылдар..
Кызыл өңнүг бижиктиг чүүлдер бижиттинмээн чүүлдер болур, көк өңнүү – Тыва Википедияда бар!
Мөөрейниң хуусаалары:
Мөөрейниң эгези: 2023 ч. ноябрь 14 (00:00:00 Москва үези).
Мөөрейниң төнчүзү: 2023 ч. декабрь 25 (23:59.59 Москва үези)
Түңнелдерин чарлаары: 2023 ч. декабрь 30.
Шаңналдарын чоргузары: 2023 ч. декабрь 31.
Бо мөөрейде номинациялар чок. Негелделерге дүгжүп турар кылдыр бижээн чүүл бүрүзү дээш 500 акша бээр. Чүгле ниити түңү 100 муң акшадан хөй болбас ужурлуг.
Мөөрейниң дугайында тодаргайы-биле
