Россияның алдарлыг артизи, Тываның Улустуң артизи, Моолдуң культуразының хүндүлүг ажылдакчызы Алексей Ооржактың трилогия ("Сүбедей" – "Күлтегин" – "Модэ") кылыр диген бодалы боттанганын Тываның Виктор Көк-оол аттыг Национал хөгжүм-шии театры дыңнаткан.
"Модэ. Элдиң эгези" деп чаа шииниң баштайгы көрүлдезинге албан-биле Лев Гумилев аттыг төптүң директору, "Новая Евразия" шимчээшкининиң даргазы Павел Зарифуллин, "Новая Евразия" шимчээшкининиң күүсекчи директору Константин Малышев, Лев Гумилев аттыг төптүң сайзырадып-хөгжүдериниң талазы-биле директору, "Новая Евразия" шимчээшкининиң күүсекчи комитет даргазы Анна Королевская, Минусинсктиң драма театрының директору Вячеслав Царенко, кол чурукчузу Светлана Песегова болгаш Шарыпова хоорайның драма театрының директору Наталья Тайченачева келгеннер.
Олар-биле деңге Саха (Якут) Республикадан келген Саха (Якут) Республиканың Күрүне Хуралының (Ил Тумэн) V чыыжының даргазы, Саха (Якут) Республиканың “Делегей чоннарының эпостары” деп делегей чергелиг ассоциацияның даргазының оралакчызы, Саха (Якут) Республиканың Чазаанаң чанында “Олонхо” Национал организастыг комитеттин даргазы Александр Жирков, М.К. Аммосов атыг Соңгу-Чөөн чүктүң федералдыг университединиң профессору, филология эртемнериниң кандидады Василий Илларионов, М.К. Аммосов атыг Соңгу-Чөөн чүктүң федералдыг университединиң эртем-шинчилел ажылының эртемден улуг башкызы Юрий Борисов, Саха (Якут) Республиканың тус албан-чериниң “Олонхо театрнының” артизи Анастасия Алексеевна, Саха (Якут) Республиканың Күрүне Хуралының (Ил Тумэн) даргазының бирги оралакчызының дузалакчызы Иван Копырин сонуургап көргеннер.
