Тыва Республиканың Чазааның Даргазының оралакчызы – Тыва Республиканың Москвада бүрүн эргелиг төлээзи [id868045361|Чечен Чоксум] Москвага, Камгалал яамызының шериг-социал төвүнүң ажылдакчылары – төптүң даргазының оралакчызы Вячеслав Толкачев, төптүң эмнээшкин адырының электроннуг ачы-дуза төлевилелдериниң начальниги Алла Бочковская база эмчи-социал адаптация эргелелиниң удуртукчузу Вячеслав Геродес олар-биле ужурашканнар.
Ужуражылга үезинде шериг албан-хүлээлгелиглерни болгаш оларның өг-бүлелерин деткиириниң кол айтырыгларын чугаалашкан. Ис чок читкен дайнычыларның төрелдеринге ачы-дуза чедирериниң айтырыынче онза кичээнгейни углап, ылаңгыя берге байдалда өг-бүлелерге деткимчени дарый бээриниң чугулазын онзалап демдеглээн.
Эмнелгелерде чыдар дайынчыларга болгаш оларның чоок кижилеринге чиик болдурар дээш, оларның документилерин катап тургузар арга-хевирлерни база чугаалашкан. Шериг албанныгларның хууда кабинеди ажылдаарынынга таарымчалыг болгаш чедимчелиг болзун дээш ону экижидидерин база көрген.
Хуралдың киржикчилери оон аңгыда, Тыва Республиканың Шериг-социал төптүң салбырының ажылының үре-түңнелин бедидер дээш, аңаа ажылчын олуттарны көвүдедир дугайында айтырыгны көрген.
Тываның Баштыңы [id360104045|Владислав Ховалыг] 2025 чылда Дээди Хуралга бодунуң Айтыкалында, Ада-чурт камгалакчыларынга болгаш оларның өг-бүлелеринге социал деткимчени көргүзери-биле республикада чурумчуткан ажылдар чоруп, ниити хемчеглер боттанып турарын айыткан. Ажылдың ол угланыышкынынга немелде дүүштүрүлге негеттинип турар.
Тывага Владислав Ховалыгның удуртулгазы-биле «Бүгү чүүлдү тиилелгеже!» республика комиссиязы тургустунар. Эрге-чагырганың шупту органнары Тиилелгеге дээш ажыл-херээн мөөңнээр ужурлуг.

В Национальном театре им. В. Кок-оола прошло торжественное собрание в честь Дня Защитника Отечества
Сегодня, 21 февраля, в Национальном театре им. В. Кок-оола прошёл концерт ко Дню Защитника Отечества.