Тере-Хөл кожуунга 2025 чылдың январь 8-ке чедир эрткен спортчу болгаш культурлуг хемчеглерже 1318 кижини хаара тутканын чагырга чери дыңнаткан. Ооң туннелинде кожуун девискээринде кем-херек үүлгедиишкиннери бүрүткеттинмээн.
Кожууннуң аныяктары болгаш студентилери хөглүглер болгаш тывынгырлар клувунуң оюнунга, тере-хөлчүлер стол теннизинге, аргамчы тырттарынга, хөглүг старттарга, хүрешке, хол болгаш бут бөмбүүнге, панчыкка маргылдашкан.
ТР-ниң культура сайыды Виктор Чигжит тере-хөлчүлер-биле ужуражылганы эрттирген. «Саяннар» национал хөгжүм болгаш танцы театрының артистери аян тудуп, солун концертти бараалгаткан.
Кунгуртугда чайындылыг сугларны доктаадыр дээш, Россияның Онза байдалдар яамызының Тывада Кол эргелелиниң болгаш кожуун чагыргазының баш удур чоруткан хемчеглериниң түңнелинде бажыңнарны суг хөме аптар айыыл тургустунмаан.
