Часкы дыштанылга үезинде Н. Ш. Куулар аттыг уругларның үлегер-майыктың ном саңынга Алдан-Маадыр аттыг Национал музейниң ажылдакчылары уругларга түр када "Хүлүмзүрүг" дыштанылга төвүнге солун ужуражылганы эрттиргенин чагырга чери дыңнаткан.
Уруглар ужуражылгадан Тываның девискээринде 403 аңгы-аңгы куш чурттап турарын билип ап, оларның үннерин өттунуп сонуургааннар. Республикада өзүп турар дириг амыттанар уругларның кичээнгейин хаара туткан: морзук, дииң, киш… Уруглар бажыңга ийи кушту танып, үннерин өттүнер онаалганы алган.
Дараазында уруглар тыва чоннуң бурунгу эдилелдерин улуг сонуургал-биле көргеннер. Деспи, хачы, тос-карак, сыгыртаа кочал, дазыл мадар аяк, ойнаар кыстар дугайында тайылбыр онза солун болган.
Ном саңының ажылдакчылары музей ажылдакчылары, эртемденнер Лаида Монгуш биле Шолбаана Монгушка уругларга солун, өөредиглиг хемчегни эрттиргени дээш четтиргенин илереткен.
