«Экология» национал төлевилелдиң “Арга-арыгның камгалалы” федералдыг төлевилел күүселдези-биле "BELARUS МУЛ-82.2" маркалыг үш универсал арга-арыг машиназы келген.
Арга-ыяшты катап тургузар, кескен соонда арыглаар, ыяшты сорттаар, чыыр, чүдүрер, дүжүрер, арга-арыг болгаш өртке удур ажылдарга ол техниканы ажыглаар деп, яамы дыңнаткан. Регионнуң арга-арыг ажыл-агыйларынче машиналарны хувааган.
Тыва бо чылын национал төлевилелдер күүселдези-биле республикага 24 санныг тускай техниканы садар. Бөгүнге чедир оларның 20-зин ажыл-агыйлар алган. Республиканың арга-арыг ажыл-агыйының специалистери 2022 чылда 8700 га черге арга-ыяш олуртур ажылдарны 8743,4 га кылдыр ажыр күүсеткенин сагындыраал.
930,40 га черге ыяштарны тарып олурткан (104,8 хуу) болза, 7813 га черде арга-ыяштың чайгаар өзүлдезин (планны 100 хуу) чедип алган.
Тускайжыттынган албан черлери күрүне чагыы-биле арга-ыяшты катап тургузар ажылдарны чоруткан.
В Туве в 2025-м году последний звонок прозвучит почти для 10 тысяч школьников
Глава Тувы Владислав Ховалыг сообщил в своем блоге о том, что в этом году последний звонок прозвучит почти для 10 тысяч школьников Тувы.