Беш чыл дургузунда Тывага «Кадык камгалалы» национал төлевилел күүселдези-биле регионнуң кадык камгалал инфраструктуразы элээн чаартынган: көдээ суурларда эмнелге объектилериниң хөй кезиин кылган.
Национал төлевилел күүселдези-биле эргижирээн оран-саваларны чүгле септеп-селээн эвес, а бүрүнү-биле чаарткан.
2021 чылдан бээр республикада тос улуг медицина албан черлери септеттинген. Бай-Тайганың төп кожуун эмнелгезиниң уруглар поликлиниказы, Улуг-Хемниң кожууннар аразында эмнелге төвүнүң уруглар салбыры, Чаа-Хөлдүң төп кожуун эмнелгезиниң уруглар салбыры, Чеди-Хөлдүң төп кожуун эмнелгезиниң уруглар поликлиниказы, Таңдының төп кожуун эмнелгезиниң поликлиниказы, Барыын-Хемчиктиң кожууннар аразында эмнелге төвүнүң уруглар уруглар поликлиниказы, Тес-Хемниң төп кожуун эмнелгезиниң уруглар поликлиниказы, Тере-Хөлдүң төп кожуун эмнелгези база Кызылдың Ленин кудумчузунда консультативтиг-диагностика поликлиниказы чаартынган.
– Эмчилерниң ажылдаарынга-даа, эмчи дузазы ап келген кижилерге-даа таарымчалыг байдалдар тургустунган. Көдээ черлерниң чурттакчылары фельдшер-акушер пунктуларже база эмнелге амбулаторияларынче кээп, кадыкшылынче сагышты салган: ханының базыышкынын хынап, тарылгаларын салдырып, профилактиктиг шинчилгелерни база диспансеризацияны эртип турар – деп, кадык камгалал сайыды Анатолий Югай демдеглээн.
Эмнелге шугумунуң чаартылгалары эң ыраккы болгаш чедери берге суурларны база хаара туткан деп, сайыт медеглээн.
Россияның Президентизи Владимир Путинниң шиитпири-биле, Россияның кадык камгалалының эге чадазын чаартыр программаны узатканын сагындыраал.
Специальный приз «Российской школьной весны» у Первых Тувы
В Ставропольском крае завершился II Всероссийский фестиваль «Российская школьная весна».