Үндүрүгнүң чаңгыс аай агар санында санап каан болгаш төлеп каан үндүрүглер айтырыгларын сайгарарынга март айның дургузунда Тываның үндүрүг албаны үндүрүг төлекчилеринге тайылбыр дузаны көргүзер.
Шупту организациялар, хууда кижилер, ол ышкаш хууда сайгарлыкчылар бюджет-биле санажырының чаңгыс аай системазынче 2023 чылда шилчээн. Ол дээрге шупту үндүрүглерни чаңгыс аай үндүрүг агар санынга төлээри-дир.
Чаңгыс аай үндүрүг агар санынга төлээри дараазында чурумнуг:
- Үндүрүглерниң болгаш төлевирлерниң түңүнүң дугайында декларацияны азы дыңнадыышкынны үндүрүг төлекчизи айның 25-ке чедир чорудар.
- Чаңгыс аай үндүрүг агар санынга үндүрүг төлээриниң дугайында хүлээлгелер демдеглеттинер.
- Айның 28-ке чедир чаңгыс аай үндүрүгнү төлээр: шупту үндүрүглер болгаш дадывырларны – чаңгыс агар санга.
- Төлеттинген акшаның түңүн төлээр ужурлуг үндүрүглерге ээлчег аайы-биле үлээр.
- Чаңгыс аай үндүрүг агар санынга ниити баланс чыгдынар – сальдо.
Ол хөй-даа, эвээш-даа, дең-даа болуп болур.
Төлевирлерни бирги ээлчегде өрелерни дуглаарынче, ооң соонда хуусаазында төлээр үндүрүглерже, хөөленген өрелерни, хууларны, торгаалдарны дуглаарынче чорудар.
Үндүрүг төлекчилеринден айтырыглар кээп турары-биле холбаштыр организацияларның төлээлерин болгааш хууда сайгарлыкчыларны хууда шүүштүрүлгелерже Тываның үндүрүг албаны чалап турар. Айтырыгларны +7(39422)9-41-95 дугаарлыг телефон дамчыштыр салып болур.
ВТБ откроет представительство в Туве
До конца года в Туве откроется представительство одного из крупнейших банков России — ВТБ.