Улуг-Хем кожууннуң Арыг-Үзүү сумузунуң "Теремок" уруглар садының эп-найыралдыг коллективи чаштарны бүдүн чыл дургузунда чаагай ногаа аймаа-биле хандырар дээш улуг ажылды кылып турарын чагырга чери дыңнаткан.
Уруглар садының ажылдакчылары чылдың-на ногаа өзүмнерин эртежик тарып олурткаш, өөредилге чериниң девискээринде улуг чылыткызынга өстүрүп турар. Күзүн ажаап алган байлак дүжүдүн болбаазыраткаш, келир дүжүтке чедир курлавырлап алырлар.
Бо чылын ногаа шыгжамырын көвүдедир дээш ийи дугаар чылыткыны тудуп эгелээн.
