Декабрь эгезинде «Тыва улустуң мифтери болгаш тоолчургу чугаалары» деп онзагай ном чырыкче үнгенин Ю. Ш. Кюнзегеш аттыг ном үндүрер чер дыңнаткан.
Номнуң автору – билдингир чогаалчы, фольклорист Алексей Арапчор. Номнуң эге сөзүн филология эртемнериниң доктору Светлана Орус-оол эргижирээн, амгы үеде утказы уттундурган сөстерни тайылбырлавышаан бижээн.
Номну Россия Федерациязының «Культураның сайзыралы» деп Күрүне программазының акшаландырыышкыны-биле парлап үндүрген.
Ном үндүрер чер Чаа чыл бүдүүзүнде номчукчуларынга база бир онзагай белекти кылган. 2025 чылдың январь-1-ге чедир чаа үнген номга чиигелдени тургускан. Айыткан үеге чедир номну 300 рубль-биле садып ап болур.
Ном – эң-не үнелиг белек. Чоок кижилериңерниң, төрелдериңерниң сеткилин өөртүп, Тываның ном үндүрер чериниң номнарын сөңнээрин далажыңар!
