Тываның Баштыңының даалгазы-биле одалга болгаш энергетика сайыды Владимир Фунтиков Тере-Хөл база Тожу кожууннарда кышкы одалга сезону кайы хире эртип турарын хынап көрген.
ТР-ниң Одалга болгаш энергетика яамызының дыңнадып турары-биле алырга, сайыт ажылчын сургакчылаашкын үезинде Тере-Хөл кожууннуң төвү Кунгуртугда, “Демография” национал төлевилели-биле туттунуп турар, 60 олуттуг уруглар садын электри четкилеринге кожар шенелде хемчеглерни чоруткан.
Владимир Фунтиков Тожу кожууннуң чагырга даргазы Буян Ондар болгаш электри-дизель станциязының ажылдакчылары-биле ужуражып, оларның нарын айтырыгларын болгаш санал-оналдарын дыңнап, оттулар чүүл чедирилгезиниң графигин чугаалашкан. Ол күскү-кышкы үеде оттулар чүүлдүң курлавырын хынап, одалга сезонун штат чуруму езугаар эрттирери-биле сорулгаларны салган.
Ол ышкаш Ырбан сумузунуң электри-дизель станциязының ажылдакчылары-биле база ужурашкан. Ий сумузунда электри шугумун шөйүп чорудар чагыларны тургузуп турар. Чаартылга ажылдары график езугаар.
