Биче хемчээлдиг котельнаяларда, суг хандырар каналдарда база чуртталга фондузунда планнаан хемчеглерни республикада чорудуп турар.
Бо кыжын чуртталга фондузун белеткээринге Барыын-Хемчик кожууннуң Кызыл-Мажалыкта “Барыын” чуртталга бажыңнарының ээлериниң эштежилгези ийи чаа котелду алган. «Байыр» КХН эрги котелдарны солуп, чаарткан. Котельнаяда алды одакчы ажылдап турар. Олар чаа котелдарны одап, шенээн-даа.
Сумунуң Чүргүй-оол кудумчузунда ийи каът алды бажың бар. Чаа котелдарны тургусканы-биле ук бажыңнарның чурттакчылары кышты чылыг эрттирер.
2022-2023 чылдарда одалга сезонунга белеткел Тываның Баштыңы Владислав Ховалыгның доктаамал кичээнгейинде. Ол боду база кожууннарже үнүп, чер-черлерде белеткел ажылдарын хынап турар.
