Улуг-Хем кожуундан «Өг-бүлениң шыгжамыры» төлевилелдиң база бир киржикчизизи – Эйлиг-Хем сумузундан Тамара Тойбу.
Эйлиг-Хемниң хөй-ниитижизи, кадык амыдыралдың суртаалчызы, дуржулгалыг ногаажы чараш чечектер тарыырынга, амданныг чем кылырынга, быжыртынарынга ынак дээрзин сумунуң херээженнер чөвүлелиниң даргазы Рада Быштак-оол дыңнаткан.
Тамара Сергеевна хөй чылдарда сумунуң херээженнер чөвүлелинге ажылдап, “Сайзанак” агитбажыңны удуртуп турган. Амгы үеде “Буура” хоочуннар бөлүүнүң идепкейжизи, хүндүлүлүг ава.
Ногаажы чылдың-на каш янзы ногаа өзүмнерин тарып олурткаш, огородундан элбек дүжүттү ажаап алыр чаңчылдыг. Кызымак өг-бүлениң үлегерлиг херээжен ээзи хөй-ниити ажылдарының идепкейжизи. Ол бо чылын база өзүмнерни тарып белекетеп алган, огород ажылынче шымнып кириптеринге белен.
