2020-2024 чылдарда Тываның социал-экономиктиг хөгжүлдезининиң амы-хууда программазының чорудуу-биле ТР-ниң Хөгжүлде фондузу инвестор – «Восток» тускайжыттынган хууда тудуг» кызыгаарлаан харыысалгалыг ниитилел-биле “Ийиги чергениң чиг-эт материалындан (резин тогланчылар) резин плитка болгаш брусчатка бүдүрүлгези» инвестиция төлевилелин идепкейлиг боттандырып турарын регионнуң Экономиктиг хөгжүлде болгаш үлетпүр яамызы дыңнаткан.
Кызыгаарлаан харыысалгалыг ниитилелдиң кол сорулгазы – автомашина дугуйларын болбаазыраткаш, улаштыр резин тогланчылардан кылыглар бүдүрүлгезин тургузары.
Бо чылын төлевилелдиң боттанылгазының чорудуу-биле ийиги чергениң чиг-эт материалындан резин плитка болгаш брусчатка бүдүрер 792 дөрбелчин метр шөлдүг объектиниң тудуу планнаттынган. Он беш кижи ажылчын олуттар-биле хандырттынар. Бюджеттен дашкаар фондуларже шилчидер дадывырларның хемчээли – бир сая ажыг рубль.
Ук төлевилел республиканың девискээринде объектилерни (уруглар садтары, школалар, спортчу шөлчүгештер, стадионнар, парктар, бажың чанының девискээрлери...) резин шывыг-биле чаагайжыдар арганы тургузар.
Октаттынган автомашина дугуйларын болбаазырадыры – экономикага болгаш экологияга эки салдарлыг.
Почётный донор из Тувы Сай-Суу Ондар совершила юбилейную, 50-ю сдачу крови
Жительница Тувы, обладательница звания «Почётный донор России» Сай-Суу Ондар провела свою юбилейную, пятидесятую по счёту, донацию.