Ак-Довурактың даг техникумунуң сургуулдары директорнуң кижизидилге талазы-биле чөвүлекчизи Шеңне Ховалыг-биле кады Барыын-Хемчиктиң Олег Намдараа аттыг культура ордузунга четкенин өөредилге чери дыңнаткан.
Барыын-Хемчиктиң көжүп чоруур культура төвүнүң эргелекчизи Чинчи Хертек иштежилери-биле аалчыларын чылыг хүлээп ап, солун оюн көргүзүглерлиг чогаадылга программазын эрттирген. Сургуулдарга онза сагыш-сеткил хайныышкынын арттырган хемчегниң төнчүзүнде оларны белектер болгаш кофе-брейк манап турган.
Аалчылар шак мындыг хемчеглер культурлуг харылзааларны быжыглаарынга ужур-дузалыын демдеглеп, культура ордузунуң удуртулгазынга хөглүг хостуг үени эрттиргени дээш четтиргенин илереткен.
