«Россия» национал төпке Аныяктар херектериниң талазы-биле федералдыг агентилелдиң “Аныяктарның үези” аныяктар чедиишкиннериниң бүгү-российжи шаңналын тыпсыр езулал үезинде Омск «Россияның аныяктар төвү – 2025» атты чаалап алганының дугайында чарлаан.
Сибирьниң хоорайы ол хүндүлүг эрге-байдалды Пермь-биле үлешкен. Мөөрейниң түңнел кезээнче Томск, Новый Уренгой база Хабаровск хоорайлар эрткен турган. Декабрьның 1-ден 20-ге чедир Күрүне ачы-дузазының порталга ажык бадылаашкынга эң хөй үннү алган ийи тиилекчи тодараттынган. Сибирьниң чурттакчылары боттарының кордакчыларын идепкейлиг деткип, хөй үннү бергеннер. Омск биле Томск аразында шилилгени кылыры ындыг амыр эвес болган, чүге дизе бо ийи хоорай аныяктар болгаш студентилер төвү болуп турар.
Сибирь федералдыг округта РФ-тиң Президентизиниң бүрүн эргелиг төлээзи Анатолий Серышев округтуң регионнарынга аныяктар хемчеглерин эрттирери чугула деп чаңгыс эвес катап демдеглээн. «Аныяктар төвү – 2025» деп ат Омск хоорайже база бүгү Сибирьже улуг төлевилелдерни киирип, идепкейжи аныяк кижилерге чаа аргаларны тургузар.
Тываның Баштыңы [id360104045|Владислав Ховалыг] сибирьжилерни деткип, Омск дээш соңгуурунче республиканың чоунун кыйгырган турган.
Сибирьниң болгаш чурттуң өске регионнарындан 325 муң ажыг кижи Омск хоорайны деткип, сибирьжилерниң чаңгыс демниин көргүскен деп, Серышев демдеглээн. Пермь-биле чижилге улуг болган, чүге дизе Приволжье округтуң чурттакчы чонунуң саны база регионнары Сибирьниинден каш катап хөй. Ындыг болзажок, регионнар удуртукчуларының, Сибирь болгаш бистиң улуг чуртувустуң өске-даа девискээрлер чурттакчыларының кады ажылдажылгазы, тура-соруу болгаш тиилелгеже чүткүлү кайгыкчык түңнелдери көргүскен.
Бүгү-Россияның аныяктар чедиишкиннериниң “Аныяктарның үези” шаңналының тускай номинациязын 2022 чылда доктааткан. Тиилекчи хоорайлар аныяктарның төлевилелдеринге улуг деткимчени ап, Россияның аныяктарын хаара тудар төптер апаар. Мооң мурнунда Аныяктар найысылалы эрге-байдалды Нижний Новгород (2023), Москва база Владивосток (2024) хоорайлар алган турган.
