Сооктар дүшкени-биле Тывада бажың өрттериниң саны көвүдээн. Аппарат хуралынга Россияның Онза байдалдар яамызының Тывада Кол эргелелиниң медеглээни болза, эрткен неделяда республикага 23 бажың өрттери болган, бир кижи аңаа чок болган, бир кижиниң амы-тынын камгалаан.
Тываның девискээринге 2024 чылдың эгезинден бээр 389 бажың өрттү болган, ооң мурнунда чылга деңнэрге 15 хуу хөй. Аңаа 13 кижи чок болган, 44 кижи кемдеп-берттинген.
Печка одаар хуу бажыңнарда өрттер хөй таваржып турарын тускай мергежилдиглер демдеглээн. Шупту өрттерниң 67,4 хуузу от-биле оваарымча чок болганындан үнгени – кол чылдагаан. Оон аңгыда бажыңнарда одаар печкалар – угарлыг ыштан аар хораннаныышкынның үнер дөзү ол. ТР-ниң Кадык камгалал яамызының медээзинден алырга, бо чылын республикага 24 кижи угаарлап чок болган, оларның аразында үш бичии уруг бар (2023 чылда – 31, оларның 9-зу – уруглар).
Токсикология эмнелгезинче угарлыг ыштан хораннанган 62 кижи кирген. Хораннанган 20 кижини эмнелгеге чыттырар кылдыр чоруткан.
Тываның Баштыңы Владислав Ховалыг социал албан черлери таварыштыр автономнуг өрт медээчилери салыр адрестиг ажылды уламчылаарын ТР-ниң Күш-ажыл яамызынга дааскан. Хөй ажы-төлдүг болгаш социал айыылдыг байдалда өг-бүлелерде ооң мурнунда салган өрт медээчилериниң ажылын база катап хынаар.
2018 чылдан бээр Тывада социал албанның онза кичээнгейи херек өг-бүлелерниң бажыңнарынга автономнуг медээчилерни салып эгелээн. Республика бюджединден акша-хөреңги-биле ажылды чорудуп турган.
2024 чылга чедир 2612 медээчини салган. А 2024 чылда социал төптериниң даңзызында өг-бүлелерниң 1,3 муң бажыңынга өрт медээчизин салган. Чыл төнчүзүнге чедир ам-даа 135 өрегеге ону эптеп салыр.
Почётный донор из Тувы Сай-Суу Ондар совершила юбилейную, 50-ю сдачу крови
Жительница Тувы, обладательница звания «Почётный донор России» Сай-Суу Ондар провела свою юбилейную, пятидесятую по счёту, донацию.