Тываның школачыларын «Айыыл чок оруктар» деп онлайн-олимпиадага киржири-биле чалап турарын ТР-ниң Өөредилге яамызы дыңнаткан.
Ноябрь 1-ден 20-ге чедир Учи.ру шөлчүгешке «Айыыл чок оруктар» деп бүгү-российжи онлайн-олимпиада болуп эртер. Олимпиада 1-9 класстарның өөреникчилериниң орукка айыыл чок чоруктуң дугайында билиин хынаар. Аңаа киржири Учи.ру өөредилге платформазынга төлевир чокка.
«Орук шимчээшкининиң киржикчилериниң айыыл чок чоруун бедидери – «Айыыл чок болгаш шынарлыг автомобиль оруктары» национал төлевилелдиң эң-не чугула кезээ. Онза кичээнгейни ук айтырыгга хамаарыштыр уругларның айыыл чок чоруун хандырарынче угландырган» – деп, РФ-тиң Чазак даргазының оралакчызы Марат Хуснуллин дыңнаткан.
Даалгаларны эртеринге чугула чүүлдер:
Учи.ру онлайн-шөлчүгешке бүрүткедип алыры.
Хууда кабинеттен олимпиаданың арынынче шилчип кирери.
Олимпиадага киржип эгелээрде, белеткел эртери чугула. Допчузу-биле: https://dorogi.uchi.ru/
Почётный донор из Тувы Сай-Суу Ондар совершила юбилейную, 50-ю сдачу крови
Жительница Тувы, обладательница звания «Почётный донор России» Сай-Суу Ондар провела свою юбилейную, пятидесятую по счёту, донацию.