Бо чылын Сарыг-Сеп, Суг-Аксы, Чаа-Хөл суурларга, Чадаана, Туран, Шагаан-Арыг хоорайларга алды оттулар чүүл шыгжамырын кылыр.
Оттулар чүүл шыгжаар черлерге тудуг материалдарын чедирип бээр, шыгжамырларны кылыр, аӊаа видеохайгаарал системазын кожар, деӊзилерни чедиргеш, эптээр ажылдар талазы-биле тус-тус керээлерни чарганын Тываныӊ Чуртталга-коммунал ажыл-агыйыныӊ яамызы дыңнаткан.
Сарыг-Септе, Суг-Аксында, Туранда оттулар чүүл шыгжамырлар тудуу доостур чадазында, үжүнүң документилерин белеткеп турар.
Бай-Тайга, Барыын-Хемчик, Мөӊгүн-Тайга, Тес-Хем, Таӊды, Өвүр, Эрзин кожууннарга, Кызыл хоорайга оттулар чүүл шыгжамырларын эрткен чылын кылган.
Керээ езугаар шыгжамыр бүрүзүнге хөмүр-даш сөөртүр, ону чүдүрер тускай техниканы чедирер.
2023-2024 чылдарның одалга сезонунга белеткелге, 340 сая рубльди үндүрерин планнап турар. Одаар чүүл болгаш энергетика комплекизиниӊ объектилерин септеп кылырынга 272 сая ажыг рубльди чарыгдаар.
Одаар чүүл болгаш энергетика комплекизиниӊ, чуртталга-коммунал адырыныӊ бүдүрүлгелери, социал албан черлери хөмүр-даш курлавырын сентябрь 15-ке чедир белеткээр.
В школе №10 города Кызыла стартовали открытые уроки «Сердце отдаю детям»
Накануне в школе № 10 города Кызыла для детей с ОВЗ стартовала серия открытых уроков под девизом «Сердце отдаю детям».