Бо чылын «Профессионалитет» федералдыг төлевилел езугаар баштайгы тускай мергежилдиглер доосканын ТР-ниң Өөредилге яамызы дыңнаткан. Сургуулдар Балгазын суурда Тываның агроүлетпүр техникумунга чаа программа-биле өөренген.
– 2024 чылда «Профессионалитет» федералдыг төлевилел езугаар баштайгы тускай мергежилдиглер доозуп үнген. Балгазын суурда Тываның агроүлетпүр техникумунга 22 кижи көдээ ажыл-агыйның бүдүрүлге мастери, 24 кижи арга ажыл-агыйының, 15 кижи үнүш өстүрериниң мастери деп мергежилдерни чедип алган. Оларның аразында кадыкшылының аайы-биле харык-шинээ кызыгаарлыг аныяк кижилер бар – деп, ТР-ниң өөредилге сайыды Елена Хардикова демдеглээн.
Үжен хире аныяктарны «Профессионалитет» федералдыг төлевилелдиң партнерлары – М.А. Санниковтуң, «Идегелдиң чери» болгаш «Чаа орук» көдээ ажыл-агый бүдүрүлгелеринде, Балгазынның, Тес-Хемниң арга-арыг ажыл-агыйларында база «Вавиол» кызыгаарлаан харыысалгалыг ниитилелде ажылга тургускан. Арткан доозукчулар дээди эртем чедип алыры-биле улаштыр өөренир.
Глава Тувы встретился с руководителями муниципалитетов республики
Накануне Глава Республики Тыва Владислав Ховалыг вместе с руководителями районов-однопартийцами принял участие в конференции партии «Единая Россия».